Tërheqja e dokumeteve për blerjen e INSIG mbyllet më 10 mars
Biznesi i madh shqiptar ka shprehur interes të lartë për blerjen e kompanisë shtetërore INSIG. Ndërmjet shtatë kompanive të konfirmurav që kanë tërhequr dokumentacionin e tenderi në Ministrinë e Financave janë edhe sipërmarrjet e mëdha Kastrati, SIGAL dhe Balfin Grup. Dy kompanitë e para, Kastrati dhe SIGAL operojnë prej kohësh në tregun e sigurimeve, ndërkohë që Balfin Grup po e shqyrton mundësinë e hyrjes në këtë treg. Samir Mane i Balfin Grup, por edhe drejtuesit e dy komopanive të tjera e kanë konfirmuar edhe vetë për mediat se kanë tërhequr dokumentacionin dhe se po shqyrtojnë nëse ky investim është me leverdi për to.
Publikimi për shitjen e 100 për qind të aksioneve të INSIG u hap më 25 janar dhe faza e parë, tërheqja e dokumenteve do të vijojë deri më 10 mars 2016. Vlera filestare e tenderimit të kompanisë është përcaktuar nga vlerësuesi 15,3 milion euro. INSIG që ka rreth 6 për qind të tregut shqiptar ka edhe dy licensa për operim në tregun e sigurimeve në Kosovë e Maqedoni. Privatizimi i kësaj kompanie ka dështuar disa herë me radhë, cka e detyroi qeverinë ta hiqte atë nga grupi i privatizimeve strategjike. Interesi aktual për blerjen e kompanisë është më i larti i treguar ndonjëherë për të.
