Një operacion i madh policor i organizuar nga Guardi di Finanza ka nisur në tre qytete të mëdha italiane. Bëhet fjalë për arrestime në Milano, Komo dhe Monza Brianza, zona turistike dhe mjaft të njohura në veriun e Italisë.
Një hetim i nisur që në marsin e vitit 2016, ka çuar në arrestimin e 7 personave, shqiptarë dhe italianë. Në këtë operacion të koduar ‘Sperem’ mësohet se janë sekuestruar 800 kilogramë marijuanë, 3 kilogramë kokainë, një pistoletë.
Sipas policisë, droga e kishte gjithmonë origjinën nga Shqipëria. Deri më tani janë bërë të ditur vetëm inicialet e të arrestuarve.
Kështu të arrestuarit janë: B. B., 36 vjeç, shqiptar, V. M., 32 vjeç, shqiptar, X. B., 42 vjeç, shqiptar dhe E. R., 30 vjeç, shqiptar. Italianët e arrestuar janë me inicialet R. B., nga Komo dhe M. S., 8 vjeç nga Monza.
Në pranga është vënë edhe një malazez 27-vjeçar me inicialet B. B.
