Kur kanë mbetur 2 muaj nga përfundimi i mandatit të saj si Kryetare e Këshillit të Integrimit Europian, Majlinda Bregu thotë se politikanët që shkëlqejnë me kotesinë e tyre nuk e duan integrimin
Majlinda Bregu përmes një statusi në Facebook bëri një përmbledhje të punës në krye të Këshillit Kombëtar të Integrimit Europian.
Bregu sqaron se kjo detyrë e ka bindur mbi politikanët koti të cilët shpërfillin fuqinë transformuese të procesit të integrimit.
“U binda këto vite edhe më shumë se pjesa më e madhe e politikanëve-koti, janë paturpësisht shpërfilles ndaj fuqisë reale transformuese që bart ky proces”, thotë ajo.
Statusi i plotë
Detyra ime në krye të Keshillit Kombëtar të Integrimit Europian, përfundon me 9 shtator.
Dhe aty, në Parlament, në vend të Mirupafshim, do të organizojmë Raundin e Dytë të Shkollës Verore Europiane, për të identifikuar të tjerë shqiptarë me “kokëfortësi të qëndrueshme”që e duan Shqipërinë si gjithë Europa!?????
***
Shkolla Verore Europiane 2017!
Në 2015, kur në Parlament ngritëm për herë të parë Këshillin Kombëtar të Integrimit Europian, të parin forum ku jemi ulur të gjithë: Maxhorancë, Opozitë, Presidencë, Prokurori, Biznes, Universiteti, Media,Shoqëri Civile dhe të gjitha institucionet e tjera të pavarura, pakkush besonte se do të arrinte të gjente vend e të merrte kuptim në panoramën e strukturave ekzistuese të procesit të gjatë të të bërit Shqipërinë si gjithë Europa.
Por pas dy vitesh, brenda “panairit tonë politik rraskapitës”,- siç thotë Kadare, -ia dolëm t’ i japim këtij forumi, ngjyrën e debatit të hapur e jo monoton, larg patetizmit pa brumë e logjikë fëminore, ” vese” këto politikanësh që shkëlqejnë me kotësine e tyre.
U binda këto vite edhe më shumë se pjesa mëe madhe e politikanëve-koti, janë paturpësisht shpërfilles ndaj fuqisë reale transformuese që bart ky proces.
E thënë ndryshe, nuk janë seriozë në përkushtimin e tyre ndaj Europianizimit të Shqipërisë. Nuk di kush do ta drejtojë në vitet në vijim nga Parlamenti, Këshillin Kombëtar të Integrimit Europian, por shpresoj shumë që ta forcojë e t’i japë dinamikë sfidave të procesit të negocimit për anëtarësim që Shqipëria duhet të përballë. Pa drojë, pa mëri, pa urrejtje dhe pa u dorëzuar sigurisht.
Detyra ime në krye të këtij Keshilli, përfundon me 9 Shtator.
Dhe në vend të Mirupafshim, aty, në Parlament, do të organizojme Raundin e Dytë të Shkollës Verore Europiane, për të identifikuar të tjerë shqiptarë me “kokëfortësi të qëndrueshme” që e duan Shqipërinë si gjithë Europa!
