Gjyshja ime një herë më tregoi këtë histori të shkurtër që më mahniti mua. Një pasdite në takimin me një mjek, mjeku zhvendosi çantën e saj të madhe në një karrige dhe u shpreh se sa e rëndë ishte. “Ju duhet të jeni shumë e pasur,” i tha ai asaj. “Unë jam,” tha ajo pozitivisht. Gjyshërit e mi kanë pasur një jetë modeste, në një shtëpi të vogël me dy dhoma gjumi, ku ajo kishte ngritur familjen e saj pasi burri u kthye nga Lufta e Dytë Botërore. Ata nuk udhëtuanë, hanin ushqime të lira, nuk kishin karrierë që ndiqnin pasionet e tyre. (Ajo do të kishte qenë një mësuese e mahnitshme, ai një artist.) Megjithatë, ajo me të vërtetë e konsideronte veten të pasur, sepse ajo kishte një burrë, fëmijët dhe nipërit e mbesat të cilët i adhuronte.
Gjyshja ime e dinte atë që studiuesit e Harvardit kanë konfirmuar nga studimet e tyre se: Marrëdhëniet njerëzore janë çelësi për një jetë të lumtur.
Robert Waldinger, një psikiatër i Harvardit, mori në drejtim një hulumtim 75-vjeçar duke u bërë personi i katërt që e drejtonte atë. Ai kohët e fundit në një leksion të hapur tha atë që është vërë re më shumë se 6.5 milion herë që nga nëntori i 2015.
Qeveria federale ka shpenzuar miliona në këtë studim për dekada të tëra, por tatimpaguesit e përditshëm nuk e dinë në të vërtetë se çfarë u zbulua.
Pasi për dekada u studiuan marrëdhëniet njerëzore, martesat, doli se ata që ishin të kënaqur në marrëdhëniet e tyre ishin të lumtur dhe të shëndetshëm. Kjo ishte kaq e thjeshtë. “Njerëzit të cilët janë më të izoluar janë më pak të lumtur, shëndeti i tyre bie që në moshën e mesme, funksionimi i tyre i trurit bie më shpejt dhe ata kanë jetë më të shkurtër se sa njerëzit që nuk janë të vetmuar”, tha Waldinger . “Dhe marrëdhëniet e mir dhe të ngushta duket se na përcakton ne mënyrën se si plakemi”
Waldinger dëshiron që njerëzit të kuptojnë se projektimi komercial i një jetë të mirë – pasuria, fama, suksesi në karrierë – nuk do t’u sjellë atyre shëndet apo lumturi. Energjia që ata harxhojnë në mbajtjen e lidhjeve me qeniet e tjera njerëzore po mund të sjellë lumturi.
Cilësia dhe intimiteti, si dhe stabiliteti dhe qëndrueshmëria gjithashtu kanë rëndësi. Marrëdhëniet rastësore, si ato të falsifikuara në mediat sociale nuk bëjnë; as ato marrëdhënie të diskutueshme siç është një martesë abuzive apo një mik jo i besueshëm.
Waldinger thotë se është po aq e rëndësishme që të punojnë më shumë në marrëdhëniet dhe për lumturinë personale, aq më tepër.
Hulumtimi i tij e ka frymëzuar atë për të bërë edhe ndryshimin tek vetë ai. Në fushën e tij, ka një presion të madh për të vazhduar hulumtimin dhe publikimin. Por ai e kuptoi se është roli i tij si mësues – lidhja midis mentorit dhe nxënësit – që i sjell më shumë lumturi, kështu që ai ka investuar shumë kohë në këtë.
“Marrëdhëniet janë të çrregullta dhe janë të komplikuara dhe puna e madhe duke u kujdesur për familjen dhe miqtë, nuk është sexy apo joshëse. Është gjithashtu gjatë gjithë jetës. Nuk mbaron kurrë.” Pra, shkoni merrni atë pushim gjatë drekës me kolegët e punës. Telefononi një mik për një bisedë të gjatë. Kjo është e mirë për shëndetin tuaj.
Nga Colby Itkowitz/Washington Post/ Përgatiti; 27.al
