Një 56-vjeçar është arrestuar nga policia e Lushnjes pasi ka tentuar të mbysë me litarë bashkëshorten e tij.
Burime policore bëjnë të ditur se Feçor Biçaku, 56 vjeç nga Lushnja në shtëpinë e tij, ka tentuar të mbysë me litar F. Biçaku, 52 vjeçe, gruan e tij.
Ka qenë kunata e çiftit ajo që ka njoftuar policinë, e cila fatmirësisht ka reaguar në kohë. Aktualisht 52-vjeçarja ndodhet e shtruar në spital në Tiranë në gjendje të rëndë për jetën.
Dyshohet se shkak për ngjarjen është xhelozia e bashkëshortit, mbi të cilin tashmë rëndon akuza e vrasjes për shkak të marrëdhënieve familjare, mbetur në tentativë.
