Gjykata e Apelit në Shkodër ka dënuar me dy vite burg shtetasin Filip Shtjefni, 50 vjeç, i njohur me nofkën “Tony Montana” i Lezhës.
Së bashku me 50 vjeçarin është dënuar edhe Lula Marku, 48 vjeçarja me të cilën bashkëjetonte.
Këta dy shtetas akuzohen se kanë shfrytëzuar për prostitucion 24 vjeçaren Englantina Metolli në një lokal të marrë me qera në Lezhë dhe se për tre ditë me radhë çifti që bashkëjetonte e ka mbajtur të mbyllur në një banesë duke e keqtrajtuar derisa sa vajza në fjalë është arratisur duke u hedhur nga dritarja dhe duke tentuar më pas vetëvrasjen.
Shtjefni e ka mohuar të gjithë ngjarjen dhe sipas tij dhe avokatit mbrojtës Blerim Bazhdari nuk ka asnjë provë për këto akuza. E vetmja gjë që ka ndodhur është një shpullë që Filip Shtjefni i ka rënë 24 vjeçares për një keqshërbim ndaj një klienti në lokal dhe asgjë më shumë.
Vëllai i tj, Dedë Shtjefni e quan absurd këtë dënim të dhënë sepse cilëson se nuk është aspak normale të dënohet me dy vite burg për një shpullë ndërsa akuzon se në gjykatën e Lezhës i kanë kërkuar para për ta shpallur të pafajshëm Toni Montanën e Lezhës.
24 vjeçarja, Eglantina Metolli që pretendon se është keqtrajtuar u njoh në facebook me lezhjanin dhe pranoi që të vinte për të punuar në lokalin e tij.
