Nënkryetari i Lëvizjes Socialistë për Intregrim, Luan Rama ka përfocuar fjalës e Metës që nuk do të dekretonte asnjë kryeministër apo ministër që del nga vjedhjet e zgjedhura.
Në një përpara gazetarëve në selinë e LSI-së, Rama u shpreh se ky është një standart në mbrojtje të zgjedhjeve.
“Po e ritheksoj atë që tha Meta në cilësinë e presidentit të zgjedhur të Shqipërisë, në mënyrë legjitime, nga një Kuvend legjitim. Ai tha: Nuk do të dekretoj asnjë kryeministër dhe asnjë ministër që del nga zgjedhje të vjedhura. Nuk e kuptoj ca problemi ka zoti Ruci me këtë përcaktim, që në fakt është në mbrojtje të standardit të zgjedhjeve. Nëse ka ndonjë skenar për të nxjerrë kryeministër me zgjedhje të vjedhura e manipuluara ky është problem tjetër, ndaj të cilit nuk do të reagojë vetëm Meta si president, por do të reagojnë të parët të gjithë shqiptarët, sepse ka ikur koha e zgjedhjeve nën presion, frikë, kërcënim e hakmarrje politike”, – tha Rama.
Rama ka hedhur sërish akuza se grupe “gardistësh të kuq” kërcënojnë nëpunësit e administratën që kanë marrë pjesë në fushatën e LSI-së.
“Për fat të keq menjëherë pas atij mitingu madhështor sot është ridimensionuar gjuetia e shtrigave përmes grupeve të kontrollit që janë grupe të ngjashme me gardistët e kuq që shkojnë në institucione me foto nëpër duar për të larguar nga puna qytetarë të lirë dhe punonjës dinjitozë të administratës vetëm pse kanë qenë në mitingun e djeshëm të LSI. I ka ikur koha e zgjedhjeve me kërcënime dhe hakmarrje politike. Precedentët parazgjedhore me gruper gardistësh të kuq janë një shenjë alarmi dhe prandaj apeloj që t’i lenë lojërat me stukturat e shteti për tu hakmarrë politikisht. T’i lënë qytetarë e këtij vendi për t’i shprehur lirshëm bindjet e tyre dhe nëse dikush vepron në kundërshtim e ligjin, të ndëshkohte. Ne jemi për zbatimin e ligjit, por jo për të trembur dhe për të shantazhuar. Këto janë lojëra si ato të Gestapos dhe Gebelsit.”- u shpreh Rama.
