Në kuadër të operacionit “Chat Line 2” policia e Tiranës ka goditur një bazë prostitucioni viral, e cila ushtronte aktivitetin në kryeqytet.
Në pranga kanë përfunduar 6vajza mes tyre dhe tutorja, ndërsa po procedohen në gjendje të lira dhe tri vajza të tjera.
Policia sqaron se shtetasja L. B prej një periudhe kohore të gjatë, me anë të mashtrimit punësonte vajza të moshave të reja dhe i shfrytëzonte ato për prostitucion, aktivitet i cili kryhej në apartamentin e kësaj shtetaseje në Tiranë.
Blutë kanë sekuestruar në cilësinë e provës materiale 7 njësi kompjuteri, 7 ekrane kompjuteri dhe 7 kamera për komunikime video online.
Të arrestuarat janë shtetaset me iniciale L. B., 34 vjeçe, J. H., 19 vjeçe, E. T., 18 vjeçe, K. A., 32 vjeçe, I. U., 22 vjeçe dhe E. A., 22 vjeçe.
Po procedohen në gjendje të lirë shtetaset Xh. B., 18 vjeçe, E. L, 24 vjeçe dhe K. M., 23 vjeçe.
