Zëvendëskryeministrja, Ledina Mandija, i është drejtuar sot Kryetarit të Bashkisë së Durrësit Vangjush Dako të marrë masa në lidhje me disa konstatime se, në shoqërinë Ujësjellës Kanalizime sh.a Durrës, pasi sipas saj janë lidhur kontrata pune gjatë periudhës zgjedhore.
Bëhet me dije se në shoqërinë Ujësjellës Kanalizime sha Durrës janë punësuar disa shtetas për periudhën 25.05.2017 deri në 13.06.2017 në kundërshtim me dispozitat ligjore.
Për këtë arsye, zëvendëskryeministrja i ka kërkuar z. Dako të marr masat për të bërë verifikimet e duhura dhe nxjerrjen e përgjegjësive disiplinore të çdo nëpunësi si dhe ta informojë menjëherë për rezultatet e gjetura dhe masat e marra.
