Në dhjetor e janar tkurrja e kredisë ishte 45 milion euro
Pasiguria e krizës i ka bërë si bizneset ashtu edhe qytetarët gjithnjë e më shumë të prirur për të mos marrë kredi. Kjo konfirmohet edhe nga shifrat zyrtare të Bankës së Shqipërisë. Sipas statistikave më të fundit si në dhjetor 2015 ashtu edhe në janar të 2016 huaja për ekonominë vijon të jetë në rënie. Në dy muajt e marrë së bashku tkurrja ka qenë 6.3 miliardë lekë, duke treguar se tendenca pesimiste e kreditimit të ekonomisë po vjen duke u thelluar. Në janar rënia ka qenë rreth 1 miliard lekë më shumë se në dhjetor 2015. Sipas statistikave të nxjerra nga banka qëndrore viti 2015 mund të regjistrohet si viti ku tkurrja e kreditimit në ekonomi ka qenë në nivele rekord. Është regjistruar një rënie më e larta historike e stokut të kredisë, që nga viti 1998, kur Banka e Shqipërisë raporton të dhënate kreditimit.
Situata pesimiste vjen si pasojë e trembjes së biznesit, i cili nuk po planifikon më investime, si edhe një situate të ngjashme tek konsumatorët, situatë që tregohet edhe nga rënia e konsumit. Por edhe vetë bankat janë bërë mëtë kujdeshme për shkak të kërcënimit që u vjen nga kreditë e këqija.
