PDIU po rritet pavarërisht sondazheve që po tentojnë ta tkurrin atë. LSI dhe PDIU do të jenë me një bashkëpunim shumë të ngushtë për të garantuar votën e të gjtihë qytetarëve shqiptarëve dhe jo vetëm ata që votojnë për LSI e PDIU por ata që votojnë për secilën parti
Në një konferencë urgjente për mediat pas takimit me kreun e PDIU-së në selinë e LSI-së, Meta u shpreh se Luli është në dëshpërim të thellë pasi garon për vendin e tretë me PDIU-në.
“Sa i takon Lulit të gjtihë e kuptoni se unë s’e ndihmoj dot me këtë garë të dëshpëruar që ka nisur me PDIU-në për vendin e tretë. Ka një aleancë të hapur që nuk është më e fshehtë, një marrëveshje e errët që përjashton qytetarët sidomos ata të djathtët që kanë humbur çdo të drejtë brenda partisë së tyre. Rama e Basha po tentojnë të manipulojnë opinionin publik.”- tha Meta.
Ai tha gjithashtu që do të ketë një bashkëpunim të fortë PDIU-LSI dhe nuk asnjë problem mes tyre për numëruesin. PDIU-LSI do të ruajë votat e të gjithë shqiptarëve jo vetëm atyre që votojnë këto parti.
“PDIU po rritet pavaërisht sondazheve që po tentojnë ta tkurrin atë.
LSi nuk rrezikon asgjë. Këto janë përpjekje për të frikësuar qytetarët. LSI dhe PDIU do të jenë me një bashkëpunim shumë të ngushtë për të garantuar votën e të gjtihë qytetarëve shqiptarë dhe jo vetëm ata që votojnë për LSI e PDIU por ata që votojnë për secilën parti. Kjo nuk është një aleancë vetëm kundër LSI-PDIU por kundër të gjithë shqiptarëve. LSI-PDIU janë në bashkëpunim shumë të ngushtë.
Mos i shkojë mëndja njeriu të cënojë qoftë dhe një votë. Më mirë të largohen dy ish-emigrantë që nuk dëshirojnë të qëndrojnë si njerëz normal në këtë vënd, se sa më shumë se gjysma e shqiptarëve që duan të ikin nga Shqipëria.”– u shpreh Meta.
Sa i takon marrëveshjes Rama-Basha, Meta është shprehur se është një aleancë e errët e cila drejtohet nga një drejtues droge.
“Është e qartë, kjo është një aleancë e hapur. Kjo është një aleancë errësire për të manipuluar opinionin publik, përmes që ende drejtohet nga një drejtues e droge, që rezulton aty vetëm si rezultat i shkëmbimit, drejtorit të OSHEE me atë të policisë.
I kam çuar Ramës një SMS për “Haki drogën”, i cili nuk duhet të përdorë më policinë përmes inskenimeve mafioze tipike të tij dhe gjithë segmenteve që e drejtojnë atë. Ky është një plan i lexuar nga gjithë qytetarët shqiptarë dhe përgjigja do jetë e paparë më 25 qershor”.-tha ish-kreu i LSI-së.
