Për të shmangur abuzimet me shtimin e përfituesve gjatë fushatës elektorale, Shërbimi Social Shtetëror po mban nën kontroll të plotë skemën e ndihmës ekonomike dhe të aftësisë së kufizuar. Drejtorja Etleva Bisha thotë se do të verifikohen të gjitha vendimet e Këshillave Bashkiakë.
“Numri i familjeve në skemën e ndihmës ekonomike është 81 638. Duke dashur që fondet e ndihmës ekonomike të jenë tërësisht të mirëmenaxhuara dhe t’i shërbejnë vetëm nevojave të familjeve të varfëra dhe të mos ketë asnjë arsye për t’u keqpërdorur në periudhë fushate elektorale, 12 drejtoritë rajonale kanë një urdhër nga drejtori i Shërbimit Social Shtetëror, mbi bazën e të cilit në mënyrë të veçantë në muajin maj dhe qershor, ato janë të detyruara të monitorojnë dhe kontrollojnë vendimet e këshillave bashkiake për dhënien e ndihmës ekonomike për secilin prej muajve”- sqaron Bisha.
