Agjenti i mesfushorit shqipatr Ergys Kaçe, Nicos Kaguioulis, ka konfirmuar se Interi është interesuar për të.
Ai ka thënë për Gazetta dello Sport, se ka pasur kontakte me drejtuesit e Interit në janar, ndaj nuk është çudi që ai të transferohet në Milano gjatë merkatos së verës.
“Po, konfirmoj që interesi është i vërtetë, por nuk është vetëm Interi që po e ndjek, janë dhe shumë klube të tjera europiane.
Ne kemi folur disa herë me Paok-un në lidhje me të ardhmen e djaloshit që ka një kontratë deri në qershor të 2017 me klubin. Përsëris, Interi është i interesuar por ka dhe klube të tjera. Me siguri që djaloshit do t’i pëlqente të luante me Interin pasi është një klub i madh europian, do të ishte një shans i madh për karrierën e tij, por në këtë moment besoj se më parë duhet të flasin dy klubet në lidhje me këtë cështje”, thotë ai.
“Kemi patur kontakte që në janar me Interin dhe janë vërtet të interesuar. Tani lojtari është i përqëndruar me Paokun dhe Kombëtaren për Europianin.
Lojtari është shumë i lumtur për interesimin e Interit pasi është një klub shumë i madh dhe nëse dy klubet gjejnë akordin nuk do të ketë asnjë problem. Duhet të presim që të flasin dy klubet”, ka vijuar më tej ai.
Agjenti i Kaçes tha se vlera e kartonit të këtij të fundit kushton 2-3 milion euro.
