“Kërkoj që në kete garë të kem me vete bekimet e nënave çame, për të çuar në vend amanetin e të parëve tanë. Kërkoj besën e çdo beratasi për të qenë krah jush në çdo hap”
Nga Albano Idrizi
Në rrugëtimin tim në politikë përherë më kanë udhëhequr dy parime bazë: Amaneti për Çamerinë dhe dashuria për Beratin.
Miqtë e mi beratas që jeni sot në këtë sallë, me lejoni që në emër të gjyshërve te mi, dhe të gjithë çamëve që jetojnë në Berat t’ju shpreh mirënjohjen e thellë që hapët dyert e shtëpive tuaja dhe pritet motrat dhe vëllezerit tuaj çamë në 1944.
Nuk do të më mjaftojë një jetë për të treguar respketin që kam ndaj qytetit tim për këtë gjest fisnikërie.
Sot është koha dhe dita që unë t’ju kthej nderin qytetarëve beratas duke i përfaqesuar denjësisht në Parlamentin e ardhshëm.
Une jam Albano Idrizi lindur e rritur në një familje të thjeshtë të qytetit.
Ndihem Beratas po aq sa jam dhe çam. Origjinën çame e trashëgoj nga babai im.
Me shums prej jush njihem personalisht. Me fëmijët, nipërit e mbesat tuaja ndaj kujtimet më të bukura të fëmijërisë në sokakët e Beratit, por bashkë me këto kujtime në së bashku ndajmë dhe vizionin e brezit të ri për një Shqipëri më të jetueshme, më të begatë dhe me Europiane.
Shqipëria dhe Berati kane 25 vjet në tranzicion, vite shumë të çmuara që nëse do të zgjidhnin përfaqësuesit e duhur realiteti do të ishte shumë ndryshe.
Për shumë të tjerë kjo është një fushate politike, se kush do të qeverisë apo se kush do të bëjë dallaveret e radhës, ndërsa për ne kjo është kontrata e nderit me Beratin dhe gjithë Shqipërinë për t’i lënë pas 25 vjet zhgënjim, e shkatërrim të vazhdueshëm.
Ndaj për mua dhe ju kjo është beteja për 25 vitet e ardhshme, për ta zhbërë shumëçka që politikanet e papërgjegjshem bënë keq.
Qyteti ynë ka shumë gjëra që duhen rregulluar si : kulltura, arti, sporti, infrastruktura rrugore, punesimi, e shumë të tjera si këto që kerkojne ndërhyrje emergjente.
Ne duhet të punojme sot, duhet të dënojmë me vote çdo padrejtësi e ligësi.
Kjo është arsyeja pse unë kërkoj sot besimin tuaj për t’ju përfaqësuar ne Parlamanetin e ardhshëm. Ju siguroj se në Parlament e kudo do të flas me zërin tuaj që kurrë nuk u degjua më parë.
Unë dua që bashke me ju të ndryshojmë Beratin.
Këtë mrekulli që zoti e krijoi me kaq kujdes dhe hijeshi, e që ne e quuajmë Berat, janë të mirepritur ta vizitojne të gjithe turistet, nga të kater anet e botes.
Por miqtë e mi është koha që ne të largojmë me vote deputetët turistë që vetëm e zhvatën këtë qytet ndër vite.
Ne do të trokosaim në çdo derë do të shkojmë kudo për të ftuar njerëzit që t’i bashkohen ndryshimit.
Fati i Beratit varet në doren tuaj, në 25 Qershor ne nuk do të shkojmë thjesht për të votuar, por ne do të rishkruajmë me gërma të arta historine e re të Beratit dhe do të largojmë njëherë e përgjithmone besëprerët e politikës.
Dua të më shihni si djalin tuaj se unë jam njëri prej jush.
Kërkoj që në kete garë të kem me vete bekimet e nënave ÇAME, PËR TË ÇUAR NË VEND AMANETIN E TË PARËVE TANË. Kërkoj besën e çdo beratasi për të qenë krah jush në çdo hap.
Sot po lind një e ardhme më e mirë për të gjithë ne.
Ndaj nga qyteti i kulturës, i fisnikërise, i qytetarisë ftoj të gjithë qytetaret e beratit të votojnë Partinë Drejtësi Integrim Unitet, ë votojne nr 13 si e vetmja alternativë për t’jua kthyer qytetin qytetarëve të tij.
