Këngëtarja amerikane, Ariana Grande, i ka bërë një surprizë fansave të saj në spital të cilët u plagosën gjatë shpërthimeve në Manchester. Ajo iu dërgoi atyre dhurata të shumta si dhe iu firmosi autografe.
Babai i një vajze të vogël e cila u vizitua nga ylli i popi, u shpreh se vajza e tij ndjehej si një “yll rroku” tani. Lily Harrison, ishte nga të paktët persona që u plagosën në sulmin terrorist në Manchester.
Vogëlushja kishte veshur një veshje të Ariana Grandes me një arush të stërmadh në shtratin e saj, dhe duket shumë e lumtur ndërkoh që merr përqafimin nga idhulli I saj i popit.
Babi i Lily u shpreh për BBC, se ajo ishte shumë e emocionuar dhe nervoze përpara takimit. “Ne ishim dhoma e fundit që ajo po vizitonte dhe emocioni vetëm rritej”- tha ai.
Këngëtarja Grande, do të mbajë këtë të dielë një koncert bamirësie në Manchester. Mësohet se të mbijetuarit e shpërthimit do ti bashkohen këngëtares në skenë.
Biletat e koncertit të së dielës u nxorën në shitje dje në orën 10:00 dhe u shitën të gjitha brenda 6 minutave.
