Partia Demokratike ka nisur procesin e konsultimit për kandidatët për deputetë.
Kryetari i opozitës, Lulzim Basha ka ngritur një grup pune i cili prej dje ka nisur punën në terren në kontakte me strukturat e PD dhe me faktorët e komunitetit për të siguruar të dhëna sa më objektive rreth kandidatëve potencialë të PD.
Ky proces synon evidentimin e kandidatëve me përfaqësues në bazë të integritetit, aftësive dhe reputacionit të tyre në komunitet.
Bëhet e ditur se përbërja e grupit të punës është si vijon: në Shkodër, Edi Paloka; në Lezhë, Arben Ristani; në Kukës, Dhurata Cupi; në Dibër, Ervin Salianji; në Durrës, Florjon Mima, në Elbasan, Albana Vokshi, në Fier, Flamur Noka, në Berat, Tritan Shehu; në Korçë, Edmond Spaho; në Vlorë, Grida Duma, në Gjirokastër, Gent Strazimiri dhe në Tiranë, Aldo Bumçi.
