“Colours of Albania” sjell përmes objektivit të të rinjve pamjet e rralla bardh e zi të Marubëve të ardhura ndër vite të ndërthura në mënyrë të veçantë me Shqipërinë e sotme plot ngjyra.
Fushata mbarëkombëtare dhe konkursi fotografik në mediat sociale për promovimin e Shqipërisë, këtë vit në edicionin e tij të tretë u zhvendos nga Tirana në Shkodër.
I pranishëm në aktivitet, ministri i Jashtëm Ditmir Bushati tha se misioni i mbështetur nga British Council dhe ambasada Norvegjeze është të mbështesin nismën për promovimin e pejsazheve dhe bukurive të paprekura natyrore të alpeve, bregdetit, zonave historike, qyteteve dhe fshatrave që e prezantojnë Shqipërinë tjetër në sytë e botës.
“Jemi përpjekur dhe vetë procesi ia ka arritur që të fshijë kufijtë që ekzistojnë mes shqiptarëve në Ballkan.”-shprehet Bushati.
Drejtori i muzeut “Marubi”, Luçjan Bedeni tha se mijëra pasionantë të fotografisë përfshihen me pjesëmarrjen e tyre aktive në rrjetet sociale, duke shpërndarë por edhe duke na njohur kështu me bukuritë e fshehura të vendit tonë.
Ambasadori Norvegjez e quajti këtë ekspozitë, si shansin që rinia ti japë formën e duhur imazhit të Shqipërisë në Europë. Ai vleresoi rrugën përparuese që ka bërë vendi, por kujtoi se ka ende shumë punë përpara.
Norvegjia ka kohe qe mbeshtet projektin Shqiperia e Kosova dixhitale. Jemi te lumtur qe kemi ndihmuar financiarisht, menaxhimi eshte bere nga keshilli Britanik. E shohim kete ndihmese qe dy vendet te kontribuojne ne bote. Edhe per te shftytezuar internetin dhe median sociale qe te promovohet tradita dhe vendi juaj. Keto nuk vijne vetem nga vendimarrjet por jane percaktuar nga imazhet e te rinjve. Shpesh i kushtohet vemendje kreativitetit, besueshmerise dhe vecantive te kultures e natyres. Me 17 maj festuam diten e kushtetutes. Eshte nje kremtim i demokracise dhe keto vlera ndahen edhe nga Shqiptaret. Festimet fokusohen tek te rinjte dhe nenvizon qe rinia ti jape forme te ardhmes, te nesermes. Prandaj keto vlera duhen percuar edhe ne Shqiperi. Te rinjte kane shans ti japin forme imazhit te Shqiperise ne Europe. Te rinjte thyejne barriera qe ato qe jane vendimarrje nuk munden. Aspirata e Shqiperise eshte integrimi. Shqiperia ka bere arritje te medha, por ka ende rruge per te bere. Kur njerezit jashte shohin arritjet do kerkojne info per Shqiperine. Kur kjo pritshmeri plotesohet ata do reflektojne pozitivisht per Shqiperine.- u shpreh Per Strand Sjaastad.
Fotot fituese do të jenë pjesë e një bookleti që do të shpërndahet në të gjitha përfaqësitë shqiptare nëpër botë dhe do të përdoret si dhuratë simbol i Ministrisë së Punëve të Jashtme.
