Veliaj: Gati të bëjmë tolerancë për janarin e shkurtin
Bashkia e Tiranës njoftoi pas një takimi me përfaqësues të tregtarëve dhe të bizneseve të vegjël se do të rishikojë paketën fiskale për taksat dhe detyrimet e biznesit të vogël. Lajmi ka dalë pas dy orë takimi mbrëmjen e së shtunës. Pas takimit, kryetari i bashkisë Erion Veliaj sqaroi publikisht se do të rishihet taksa e hapësirës publike vetëm në mënyrë sezonale për karriget dhe tavolinat në trotuar. Ai tha “Qytet pa taksa nuk ka. Që disa gjëra që i kemi në dorë ti modifikojmë. Fjala vjen nëse dikush e përdor lokalin dhe hapët në dhjetëra tavolina vetëm gjatë verës le ta përdorin në mënyrë sezonale”.
Ndërkohë në emër të biznesit, kreu I shoqatës së tregtarëve Nikollaq Nerënxi tha se ata do ti propozojnë bashkisë së Tiranës një listë kërkesë me 12 pika për kategorizmin e taksave. “Nga debati i madh që patëm ramë dakord që të hënë të paraqesim 12 pikat tona, rreth orës 10”, tha Nerënxi.
Ndërkohë kreui Bashkisë Veliaj ka deklaruar që edhe për muajt janar e shkurt do të ketë rishikim apo tolerancë sic e cilësoi ai.
