Kryeministri Edi Rama tregon “Rilindjen” e Razmës pas ndërhyrjes, ku thekson se Razma me bukuritë e saj fantastike natyrore është shndërruar në një pikë gravitacionale e turizmit malor në Shkodër.
Përmes një statusi në faqen e tij në Facebook, Rama shkruan se Razma u çlirua nga kioskat.
Statusi i Edi Ramës
Me Pedonalen e re të shtrirë në 2500 metra katror dhe me rindërtimin e infrastrukturës pas çlirimit nga kioskat, ndërtimet e zaptimet e paligjshme, Razma me bukuritë e saj fantastike natyrore është shndërruar në një pikë gravitacionale e turizmit malor në Shkodër.
Rilindja Urbane në këtë qendër turistike të Alpeve Shqiptare ka krijuar një potencial të ri edhe për zhvillimin e mëtejshëm të ekonomisë lokale duke krijuar kushte më të favorshme për rritjen e numrit të vizitorëve dhe të investimeve private.
Shumë është bërë por edhe shumë më shumë mbetet ende për të bërë #PërShqipërinëQëDuam me #Shtet #Punë #Mirëqenie ”.
