Trajneri i Juventusit, Masimiliano Alegri, thotë se ndeshja ndaj Interit do të jetë e vështirë, pavarësisht se bardhezinjtë konsiderohen superiorë ndaj zikaltërve.
Sipas Alegrit, Juventus-Inter mbetet derbi i Italisë, dhe për këtë arsye ndeshja duhet vlerësuar në maksimum.
Aq më tepër që zikaltërit luftojnë për vendin e tretë.
“Interi është një skuadër shumë fizike. E nisi mirë sezonin dhe unë nuk mendoj se zikaltërit kanë humbur cilësinë që kanë në skuadër. Juventus-Inter është gjithmonë derbi i Italisë, dhe në të tilla sfida klasfikimi nuk vlen.
Ky është i pari prej tre takimeve direkte që kemi në kampionat deri në fund të sezonit. Kemi tre objektiva në shënjestër dhe pas dy barazimeve duam të rikthehemi te fitorja në kampionat.
Interi është ende në lojë për vendin e tretë. Nuk e prisja një rënie të tillë të zikaltërve, por pavarsisht kësaj ata janë ende në lojë”, tha Alegri.
Me përjashtim të Markizios dhe Kaseres, Alegri tha se për Interin ka në dispozicion të gjithë futbollistët.
