Feliks Bryh do të jetë arbitri i finales së Champions League mes Juventusit dhe Realit të Madridit që do të luhet më 3 Qershor në Kardif.
Arbitri kryesor Bryh do të shoqërohet gjithashtu nga asistentë gjermanë të cilët do të jenë Borsh, Lup, Dankert dhe Fric.
Në karrierën e tij, 41-vjeçari Feliks Bryh ka arbitruar finalen e Ligës së Europës 2014 mes Seviljas dhe Benfikës. Ai gjithashtu ishte pjesë e arbitrave të Kampionatit Europian “Francë 2016” dhe në këtë sezon ka arbitruar 5 ndeshje të Ligës së Kampioneve.
