Zv.kryeministri Niko Peleshi ka komentuar protestën e opozitës duke thënë se një e drejtë demokratike që opozita mund ta shfrytëzojë brenda normave kushtetuese, ndërsa shtoi se nuk e kupton çfare do të thotë kreu i PD me fjalët Republikë e Re.
“Protesta është një e drejtë demokratike, një hapësirë që opozita mund ta shfrytëzojë në çdo kohë, por brenda normave kushtetuese. Nuk e di çfarë nënkupton Basha me termin Republikë e Re, por di t’u them që një program i ri apo një qasje e re politike vjen dhe mandatohet nga populli. Zgjedhjet janë mjeti i vetëm që partitë politikë të vijnë në pushtet. Një Republike e Re nuk mundet të dalë nga mosbindja civile”, tha Peleshi.
Në lidhje me zhvillimet që mund të sjellë vizita e ndihmëssekretarit amerikan te shtetit, Peleshi tha se SHBA dhe partnerët europianë kane inkurajuar partitë politike të marrin pjesë në zgjedhje duke vënë demokracinë mbi çdo skenar partiak.
