Sipas një raporti të organizatës World Vision, numri i fëmijëve me aftësi të kufizuar është rritur ndjeshëm gjatë viteve të fundit, po ashtu edhe pamundësia për të marrë shërbime të integruara.
Nga të dhënat rezulton se 92% e këtyre fëmijëve nuk kanë akses në këto shërbime, ndërsa kryetari i Bashkisë së Tiranës ka thënë se Bashkia ka marrë një sërë masash për ti integruar në shoqëri.
Kryebashkiaku Erion Veliaj, tha se në kuadër të integrimit të personave me aftësi të kuafizuara në shoqëri, Bashkia ka marrë një sërë masash, sidomos përsa i përket infrastrukturës.
“Kemi filluar të garantojmë aksesin në godinat ekzistuese në Tiranë. Është bërë i detyrueshëm që çdo ndërtim i ri në Tiranë nga tani e tutje, të garantojë aksesin e plotë për personat me aftësi të kufizuara. Bashkia do të bëhet e aksesueshme, ndërsa investojmë në një qytet që bëhet gjithmonë e më i aksesueshëm”, tha Veliaj.
