Kreu i PD, Lulzim Basha ka deklaruar se me 13 Maji do të jetë pika kulmore e bashkimit që ka nisur në 18 Shkurt.
Nga çadra e lirisë, Basha u shpreh se në 13 Maj të përcjellim me ceremoni Republikën e vjetër, për ti hapur rrugë asaj të re.
“13 maji si një pikë kulmore e këtij bashkimi popullor dhe vazhdimi i përditshëm deri në fitoren totale. Fitorja e zgjedhjeve të lira e të ndershme nuk është thjesht dhe vetëm një hap gjigand për lirinë e shqiptarëve, por është vetë hapja e derës drejt republikës së re. Është mbyllja e derës së republikës së vjetër, të padrejtësisë, arrogancës të krimit dhe drogës. Le ta falimentojmë sëbashku teatrin e shëmtuar të kukullave. Le ti japim fund komplotetit ekonomik dhe politik kundër shqiptarëve. Le ta përcjellim me ceremoni republikën e vjetër. Të gjithë bashkë me 13 maj ta hapim derën e historisë së re të Shqipërisë Europiane”, tha Basha.
