Këngëtarja nga Kosova, Linda Halimi mahnit në ceremoninë zyrtare të hapjes së edicionit të 62’të të festivalit të këngës europiane “Eurovision Song Contest”.
Eventi filloi në orën 16:00 në Pallatin Mariyinsky në Kiev, ku 42 shtete kaluan në tapetin e kuq të gjatë prej 265 metrash. Në këtë ceremoni të hapjës zyrtare, e para që ka parakaluar në tapetin e kuq ishte përfaqesuesja shqiptare Lindita Halimi.
Përfaqësuesja shqiptare dukej e mrekullueshme në veshjen e saj, një fustan i shkurtër nga para dhe i gjatë nga pas. Fustani mahnitës ishte dizenjuar nga stilisti shqiptar Joni Peçi.
“E lashë atë të marrë përgjegjësinë për veshjen time. Më tha të vishja këtë dhe i thashë sigurisht, çfarë të thuash ti!”–u shpreh këngëtarja për një intervistë.
Festivali “Eurovizion” këtë vit mbahet në Ukrainë dhe Linda do ta përfaqësojë Shqipërinë me këngën “Botë” të kënduar në versionin anglisht.
