Ka përfunduar në barazim supersfida e fundjavës mes Partizanit dhe Kukësit. Dy kryesueset e kampionatit shqiptar u ndanë me nga një pikë në ndeshjen që përfundoi me rezultatin 1 me 1.
Të parët që shënuan ishin miqtë, me anë të Dverkonivic në minutën e 21-të. Pjesa e parë u mbyll me avantazhin e veri-lindorëve ndërkohë që në të dytën të kuqtë e gjetën baraspeshën.
Me të nisur pjesa e dytë, Partizani arriti të shënonte. Harkim nga e djathta e Cetkoviç, Alla në tentativën për të larguar topin e përplas te Shameti dhe sfera përfundon në rrjetë. 1-1.
Barazimi 1-1 në fakt i shkon më shumë për shtat Skënderbeut që ka mundësinë të shkurtojë nesër diferencën me të dy ekipet që ka më sipër në klasifikim, për të tentuar më pas t’u rrëmbejë titullin në ndeshjet direkte.
