Në një takim me nxënës të shkollave të mesme të Shqipërisë, ambasadori i SHBA, Donald Lu tha se e vetmja mënyrë për të luftuar korrupsionin në vend, është kur të rinjtë rreshtin së duruari dhe veprojnë kundër tij.
Ambasadori iu referua shembullit të Afganistanit ku korrupsioni në shkollë, edhe pse favorizohej nga politikanët dhe arsimtarët, arriti të ndalej falë vullnetit të studentëve të cilët u bënë bashkë dhe vendosën të mos paguanin para për notat e tyre.
“Kësaj lëvizje, iu bashkua edhe Presidenti i Afganistanit, duke dhënë shembullin se të rinjtë e kanë fatin e tyre në dorë”, u shpreh ambasadori Lu.
