Namik Dokle ishte një prej deputetëve më të hershëm në Kuvendin e Shqipërisë i zgjedhur deputet qysh në legjislaturën e parë pas shpalljes së pluralizimit politik dhe ka vazhduar deri në fund të kësaj legjislature duke shënuar 27 vjet si deputet i Shqipërisë.
Namik Dokle nuk është pjesë e listës së PS-së sepse këtë e ka paralajmëruar gati dy vjet më parë por ai ka një mesazh falenderimi mirënjohje, ndjese por edhe një paralajmërim për pasuesin e tij në karrigen e deputetit në kuvendin e Shqipërisë.
Mesazhi
Pas 27 vjetve, pas 8 legjislaturave të pandërprera në Kuvendin e Shqiperisë, në vendin tim do të ulet një deputet i ri. E uroj përzemërsisht, cilidoqoftë! (Vetëm “aman” hajdut pulash të mos jetë!) Pas 27 vjetve, nga zemra më buron…
MIRENJOHJE për ata mijëra socialistë dhe njerëz të mirë pa dokumente partiake, që më kane pritur zemërhapur, kanë ecur e punuar bashkë me mua dhe, në disa raste, kanë vënë edhe jetën e tyre në rrezik për të më mbrojtur nga falanga idjote politike.
ADMIRIM për deputetet e Grupit Socialist të viteve 1992-1997, të papërsëritshëm në përkushtim dhe idealizëm, me të cilët sollëm për herë të parë Partinë Socialiste në pushtet.
NDJESE për gjithë ata njerëz me halle e vështirësi në jetë, të cilët nuk munda, apo nuk dita, apo edhe nuk më lanë t’i ndihmoja, kur kishin nevoje.
PËRULJE dhe pendesë për ata pak individë që rrallë…shumë, shumë rrallë mund t’i kem lënduar.
FALJE për ata pak individe që më kanë lënduar, edhe pse lëndimi “nuk harrohet kurrë”!
Dhe…përqafime për ju miqtë e fejsbukut!
