Presidenti i zgjedhur Ilir Meta ka deklaruar sot se ka hequr dorë si kryetar i LSI-së, duke i kaluar kompetencat e tij Petrit Vasilit.
Në një konferencë të mbajtur sot përpara mediave, Meta u shpreh se do jetë në postin e kryetarit të Kuvendit deri në ditën e betimit si president.
“Detyrimet e mia si president i ardhshëm nisin pas 24 korrikut.
Do vijoj të jem kryetar i kuvendit të Shqipërisë deri në ditën e betimit si President i vendit. Sot në mbrëmje do heq dorë nga funksionet drejtuese në LSI. Drejtimin do e marrë Petrit Vasili.”
Nga dita e sotme çlirohem nga raportet partiake me PS dhe drejtuesit e saj pasi të gjitha kompetencat i kalojnë zotit Petrit Vasili dhe forumeve drejtuese të LSI.
Për mua nuk është e rëndësishme është apo jo në ceremoninë e betimit. Por nëse opozita nuk do të marrë pjesë në zgjedhje nuk do të ketë asnjë ceremony tjetër. Por as kjo nuk është e rëndësishme. E rëndësishme është që opozita të marrë pjesë në zgjedhje.”– shprehet Meta.
Meta tha se është i gatshëm që nga nesër të takojë presidentin Nishani, ish-presidentët, kreun e PD-së dhe çdokënd tjetër për të zgjidhur krizën politike në vend.
“Duke filluar nga nesër kur të mos kem asnjë detyrim si kryetar të takohem me kryetarin Basha në çdo moment, do përpiqem të forcoj bashkëpunimin me Nishanin, po të jetë nevoja edhe të takohem”– tha Meta.
