Numri i protestuesëve para Kuvendit të Maqedonisë vazhdon të jetë tejet i lartë por situata është më e qetë, dhe të gjithë deputetët dhe gazetarët janë evakuuar nga godina e Kuvendit.
Alsat, raporton se forcat e rendit vazhdojnë të jenë të paktë në numër, dhe se krahasuar me protestat e mëhershme policia sonte ishte inekzistente.
Gjithashtu raportohet se të gjithë deputetët shqiptarë janë në gjendje të mirë, bashkë me kreun e LSDM-së, Zoran Zaev.
Ministri i Brendshëm Agim Nuhiu tha se policia po merr situatën nën kontroll.
Sipas ministrit të brendshëm deri në këto momente janë lënduar 14 pjesëtarë të policisë, megjithatë nuk ka numra konkret për numrin e qytetarëve të lënduar. Nuhiu gjithashtu tha se policia po grumbullon të gjitha provat dhe më pas do të ngrejë procedura adekuate, por pranoi se policia nuk ka qenë në nivelin e detyrës.
