Është një vendim i drejtë por i vonuar prandaj duhet që diplomacia shqiptare dhe e vendeve aleate t’i zhvleftësojë njëherë e mirë mandatet e arrestimit të lëshuara nga Serbia për luftëtarët e lirisë
Kryetari i PDIU-së Shpëtim Idrizi, reagoi menjëherë pas vendimit të gjykatës së Francës për lirimin e Ramush Haradinajt. Idrizi e ka uruar përzemërisht ish-komandantin e UÇK-së, Ramush Haradinaj duke theksuar se ishte një vendim i vonuar por dëshmi e pastërtisë së UCK-së.
“Urimet më të përzemërta ish-komandantit të Ushtrisë Çlirimtare të Kosovës, Z. Ramush Haradinaj, për lirimin dhe kthimin në atdhe pas një mbajtje të padrejtë që iu bë në Francë. Vendimi i gjykatës së sotshme franceze është një tjetër dëshmi e pastërtisë së luftës çlirimtare që shqiptarët bënë në Kosovë. Ky është një vendim i drejtë por i vonuar prandaj duhet që diplomacia shqiptare dhe e vendeve aleate ti zhvleftësojë njëherë e mirë mandatet e arrestimit të lëshuara nga Serbia për luftëtarët e lirisë”, shkruan Idrizi në facebook.
