Specialistët e Drejtorisë së Bujqësisë Elbasan kanë nisur programet orientuese mbi farat, terrenet e favorshme për mbjellje, si edhe mbi skemën e subvencioneve për të cilën të mos humbin mundësinë e aplikimit.
Drejtori i Bujqësisë, Spiro Hunçi theksoi se po insistohet që fermerët të orientohen vetëm tek farat e certifikuara. Aktualisht kultura e mbjelljes se ullirit dhe krijimi i serave ka trend rritje ne Elbasan.
“Ka patur një trend të jashtëzakonshëm të kulturës së ullirit për vetë vetitë ushqimore që paraqet kjo kulturë. Një përhapje dhe zhvillim të madh kanë serat”, tha Hunçi.
Në Elbasan në total janë rreth 5036 HA tokë bujqësore e shfrytëzuar nga fermerët, ndërsa pemëtari 17 Ha te mbjella.
