“Nevojiten më shumë marrëdhënie të ndërsjella mes dy bankave qendrore”
Guvernatori i Bankës së Shqipërisë, Gent Sejko po zhvillon vizitën e tij të parë zyrtare në Kosovë. Në takimin me Guvernatorin e Bankës Qendrore të Republikës së Kosovës, BedriHamza është vënë theksi në thellimin e bashkëpunimit mes dy institucioneve. Në një njoftim të dalë nga Banka e Shqipërisë thuhet se “të dy homologët ndanë të njëjtin mendim për domosdoshmërinë e zhvillimit të mëtejshëm të marrëdhënieve të ndërsjella midis dy institucioneve”.
Në bisedën mes tyre dy guvernatorët kanë folur për zhvillimet ekonomike dhe financiare në dy vendet, si dhe kanë njohur njëri tjetrin për situatën më të fundit në vendet përkatëse. Ne takim është biseduar gjithashtu edhe për domosdoshmërinë e rritjes së marrëdhënieve ekonomike dhe zhvillimin e tregut të përbashkët financiar mes dy vendeve.
