Gazetari Flamur Vezaj ka denoncuar Kryetarin e Bashkisë së Durrësit Vangjush Dako se kompania e vëllait të tij ka fituar tenderin dhe po hedh betonin tek Veliera.
Vezaj ka publikuar në Facebook dokumentet që tregojnë se kompania që hedh beton tek Veliera është e vëllait të kryebashkiakut të Durrësit Vangjush Dako. Kjo firmë betoni më para ka qenë në pronësi të Vagjush Dakos, por më pas ai ia ka kaluar këtë kompani vëllait të tij. Edhe më parë ka pasur disa denoncime se Vangjush Dako favorizon vëllain e tij në punët publike të qytetit.
Denoncimi i gazetarit Flamur Vezaj:
Fenomeni i betonizimit nga Vangjushi!
Të ndërtosh në zonen Arkeologjike të kategorisë “A” është një krim! Por ky krim kur kryhet nga zyrtare të veshur me pushtet, quhet krim shtetëror për të cilin as policia dhe as prokuroria nuk po ndërhyjnë! Ky krim po ndodh në Durres në ndërtimin e “Velierës” që me vendim Gjykate është urdhëruar pezullimi i punimeve! Por ajo që bie në sy në Durrës prej kohësh është fakti se cdo kompani private që kryen punime publike për llogari të Bashkisë së Durresit furnizohet me beton nga ish-shoqëria e Vangjushit por që tani administrohet nga i vëllai i tij E.Dako!
Edhe në punimet për ndërtimin e “Velierës” pranë Torres Veneciane në Durrës, kompania që po furnizon firmën e ndërtimit me beton është shoqëria e vëllait të kryetarit të Bashkisë! Ndoshta kjo është edhe njëra nga shumë arsyet pse Vangjushi kërkon që të zbatohet me çdo kusht projekti i betonizimit të kësaj zonë arkeologjike! Më posht keni fotot zyrtare të QKB-se, që tregojnë se kompania e betonit ka qene e Vangjushit dhe i ka kaluar vëllait! Si dhe foto e makinerive që po hedhin beton pranë Torrës Veneciane e që i përkasin kompanisë së vëllait të kryetarit! #suksese_në_jetë_Vangjush_betoni#
