Kryetari i Komisionit të Zgjedhjeve, Denar Biba ka deklaruar se po shkohet drejt një procesi zgjedhor jo perfekt si në Kavajë edhe në gjithë vendin, kjo për shkak të bojkotit të opozitës.
Biba thekson se bojkoti i opozitës ka vënë në vështirësi KQZ për administrinim e procesit zgjedhor të pjesshëm në Kavajë dhe atë për zgjedhjet e përgjithshme të 18 qershorit.
Fatura financiare e zgjedhjeve në Kavajë është 7 mln lekë, para që do të dalin nga Ministria e Financave.
Në lidhje me përgatitjet për 18 qershorin Denar Biba tha se emrat e kandidatëve për deputetë do të jenë online në faqen e KQZ shoqëruar edhe me CV e tyre.
