Kryetari i PDIU-së Shpëtim Idrizi ka përsëritur edhe njëherë propozimin e tij për Paktin Kombëtar për zgjidhjen e krizës politike.
I ftuar në Ora news, Idrizi theksoi se jemi përballë një krize shumë të rëndë, e cila tenton të na nxjerrë jashtë shinave, ndaj shqetësimi ynë është konflikti dhe paaftësia e faktorëve politikë.
“Duhet të ulet urgjent Rama me Bashën. Ja kemi detyrim shqiptarëve që mos t’i lëmë në këtë krizë, e cila po del nga institucionet. Imagjinoni njerëzit janë të interesuar të dëgjojnë debate për ekonominë, për taksat, për aksesin në punësim dhe ne rrimë se çfarë do të bëhet me këtë krizë, e cila nëse nuk ndërhyhet sot ka mundësi që të ekstrapulohet dhe të dalë jashtë sistemit dhe besoj që një president nga populli do të ishte një lloj garancie. Neve na ndërthuren dhe të gjitha afatet kushtetuese, ndaj nëse nuk e zgjidhim sot dhe kjo është thirrja që ne kemi bërë; të ulet Rama me Bashën. Unë nuk e kuptoj ku është vështirësia këtu. Është ulur Hashim Thaçi me Vuçiçin dhe nuk ulen dy liderat shqiptarë.”, tha Idrizi.
Idrizi tha gjithashtu që në këtë situatë ku ndodhet vendit një president i zgjidhur nga populli do të ishte garant që palët të uleshin në një tryezë.
“Ne kemi propozuar në paketën e ndryshimeve kushtetuese që presidenti të zgjidhet nga populli dhe besoj që ky është rasti që ne të kuptojmë që një president i zgjidhur nga populli, sot mund të ishte garant, mund të ishte njeriu, i cili do të jepte garanci shtesë për palët, apo do të thërriste palët në një tryezë”, tha Idrizi.
https://www.facebook.com/Ora.News.RTV/videos/780604012064723/
