Ngjala është një peshk i gjatë, shumë i gjatë, 2 deri në 3 metra. Por, ka edhe ngjala të shkurtra që shkojnë deri në 60 centimetra. Ngjala ka pamje të frikshme, është si gjarpër. Nuk kapet me dorë, rrëshqet shumë, e pamundur, duhet “gjethe fiku” ta kapësh… ose rrjetë peshkatarësh….
Ky peshk dallohet, sepse forma e tij si gjarpër, ngjyra që shkon nga e gjelbera e mbyllur e deri te e zeza, ndërsa barkun e ka të verdhë në të bardhë. Femrat arrijnë një gjatësi deri në 150 cm ndërsa meshkujt arrijnë një gjatësi prej 60 cm.
Ky lloj peshku bëhet shumë aktiv në mbrëmbje e natën vonë, apo deri në orët e para të mëngjesit, pastaj e ul aktivitetin. Ky peshk ushqehet me krimba, peshq të vegjël apo edhe peshq të ngordhur. Kaq për ngjalën që rritet në ujrat e ëmbla.
Ka edhe ngjalë të egër, është ngjala e detit. Është në formë gjarpri, me ngjyrë karote. Ka dhëmbë të mprehtë dhe ushqehet me peshq të tjerë, kryesisht të ngordhur. Gjendet si në detin Adriatik ashtu dhe në Jon. Arrin deri në 2 metra gjatësi, dhe ka peshë të konsiderueshme që arrin deri në 50 kilogramë. Nuk preferohet në të ngrënë, sepse ka shumë hala.
