Një monedhë gjigante ari, me vlerë prej 4 milionë dollarë, është vjedhur nga një muze në Gjermani.
Monedha kanadeze, e pagëzuar me emrin “gjethja e madhe e panjes”, ka një vlerë të jashtme prej 1 milion dollarë, por për shkak të peshës prej 100 kg dhe cilësisë së arit prej 24 karatë, vlera e saj është shumë më e lartë.
Objekti u vodh gjatë natës në muzeun Bode të Berlinit. Ende nuk është e qartë se si hajdutët kanë mundur të shmangin sistemin e alarmit dhe të transportojnë monedhën e rëndë, me diametër gjysmë metri.
Monedha mbrohej me xham anti-plumb. Ajo është e gjerë 3 cm dhe me një diametër prej 53 cm. Në njërën anë ajo mban portretin e mbretëreshës Elizabeth II, si kryetare e shtetit të Kanadasë. Ndërsa në anën tjetër ka një gjethe panje.
