Bashkia e Tiranës ka mbjellë rreth 500 fidanë të ndryshëm në parkun e liqenit të Kasharit. Në rehabilitmin e parkut mori pjesë edhe kryebashkiaku Erion Veliaj, i cili tha se kontribues për invetsimet në gjelbërim janë vetë qyetarët e Tiranës.
“Shumë njerëz pyesin si mund të kem ndihmuar unë për mbjelljet kur nuk më ka thënë gjë njeri. Në fakt, thjesht prej faktit që dikush ka parkuar duke përdorur sistemin “SMS Parking”, duke çuar targën në nr. 50500, praktikisht paratë e parkingut i ka çuar për këto mbjellje”, deklaroi Veliaj.
Gjithashtu Veliaj bëri thirrje të gjithë qytetarëve që t’i bashkohen të dielën aksionit të madh vullnetar për pastrimin e kryeqytetit. Aksioni për pastrimin e Tiranës do të nisë nesër në orën 9.00 të mëngjesit.
