Në ditën e parë të punës ministri i ri i Brendshme, Fatmir Xhafaj, ka pritur në një takim Louis Freeh, ish-drejtor i FBI-së dhe një nga ekspertët më të njohur ndërkombëtare në luftën kundër krimit të organizuar dhe çështjeve të drejtësisë.
Freeh ofroi mbështetjen maksimale të qeverisë së Shteteve të Bashkuara të Amerikës dhe FBI-së për forcimin e luftës kundër krimit dhe paligjshmërisë në vend.
Xhafaj dhe Freeh diskutuan gjerësisht për forcimin e ekspertizës së agjencive ligjzbatuese amerikane ndaj strukturave të MPB-së dhe agjencive të tjera ligjzbatuese në vend.
