Kryebashkiaku i Tiranës Erion Veliaj ka deklaruar se falë Pazarit të ri një numër i madh familjesh zhvillojnë ekonominë e tyre.
Në një intervistë ndryshe për “Njerëz në Fokus” Veliaj ka treguar gjithçka për rikonstruksionin e realizuar nga ambientet e Pazarit të Ri.
“Të gjitha dyqanet janë rikonstruktuar, disa prej tyre kanë kaluar në pika shërbimi. Zona e Pazarit të Ri për shkak të ndotjeve evitohej, shmangej kalimi aty, por tashmë çdo gjë është transformuar. Ne në të gjitha rastet kemi bashkëpunuar me pronarët. Ka një miks shërbimesh”, tha Veliaj.
Kryebashkiaku Veliaj deklaron se nuk do të ketë asnjë rritje takash për tregtarët të cilët shesin produktet e tyre në zonën e Pazarit të Ri.
Veliaj u ndal edhe te projektet e tjera madhore të cilat janë në përfundim dhe që priten ta trasnformojnë tërësisht kryeqytetin. “Kemi disa projekte. Mezi po pres hapjen e sheshit “Skënderbej” që sigurisht është diamanti i kurorës i gjithë investimeve në Tiranë. Besoj fundi i Majit, fillimi i Qershorit. Nuk dua të bëj premtime ekzakte, por punët po ecin mirë. Mbi 65% e sheshit tashmë është kompletuar, po përfundon parkimi nëntokësor, kemi mbjellë mijëra pemë me të gjithë lulishtet. Pra pjesa e qendrës është shesh, për të pasur një piacë kryesore në qytet, por pjesët e tjera krijojnë mikro-ambiente të gjelbërimit, kopshteve, të shëtitjeve. Do jetë shumë bukur”, tha Veliaj duke shtuar se në përfundim është edhe Bulevardi i Ri.
Veliaj theksoi se shumë shpejt do të jetë gati edhe një Park Olimpik. Ndërkohë shumë shpejt jemi gati me Parkun Olimpik. Por për vijimin e investimeve me intensitet, Veliaj theksoi rëndësinë që ka vota më 18 qershor, ku qytetarët duhet të zgjedhin për vijimin e reformave të qeverisë “Rama”.
