Projekti i bypassit në lagjen muzeale të qytetit të Gjirokastrës ka ngjallur debate dhe zemërim tek qytetarët dhe specialistët e Monumenteve. Banorët e lagjes “Pazari i vjetër” kanë pohuar përpara ministres së Kulturës, Mirela Kumbaro, se ky projekt i rrezikon të gjitha banesat dhe për më tepër simbolin e qytetit, kalanë e Argjirosë.
“ Qëllimi kryesor është vizioni për të pasur një projekt të integruar të zhvillimit. Qendra e vjetër historike është një potencial i jashtëzakonshëm turistik kulturor për të zhvilluar ekonomikisht Gjirokastrën”- deklaroi ndër të tjera ministrja Kumbaro.
