Ministrja e Zhvillimit Urban Eglantina Gjermeni ka deklaruar se lejet e ndërtimit do të shtyhen më shumë se një herë dhe procedurat për to do të lehtësohen.
Gjermeni tha se drafti i miratuar në komsionin e Veprimtarisë Prodhuese kërkon edhe ndryshimin e llogaritjes së taksës së ndikimit në infrastrukturë.
“Saktësimin në ligj të taksës së ndikimit në infrastrukturë e cila llogaritet sipas ligjit për sistemin e taksave vendore, por që nuk zbatohet për rikonstruksionin e godinave. Parashikohet vetëm një mënyrë e llogaritjes së taksës së ndikimit në infrkastrukturë e cila është e ndryshme nga mënyra e llogaritjes së po të njëjtës taksë në ligjin aktual. Për të eliminuar këtë mos përputhje kemi propozuar rakordimin mes dy ligjeve pra ligjin e planifikimit të territorit dhe ligjin për taksat vendore”, tha Gjermeni.
Gjermeni sqari se qytetarët do të kenë më pak burokraci për punimet që do të kryejnë për punimet në shtëpitë e tyre duke e zgjidhur këtë çështje me një deklaratë paraprake .
Drafti saktëson se aplikimi për lejet e ndërtimit do të bëhet vetëm përmes sisitemin onlinë, një pikë e cila hasi në debat me anëtarët e komisionit duke e vendosur këtë projektligj në pozicionin e pamundësisë për tu implementuar në të gjithë vendin.
