Rreth 1.500 minatorë të Prrenjasit dhe Pogradecit në një protestë të organizuar, ata kanë kërkuar rritjen e pensionit dhe miratimin e statusit të minatorit.
Minatorët thanë se, pensioni që marrin është i njëjtë me atë të një pastruesje dhe nuk u mjafton as për ilaçet.
“Asnjë qeveri nuk ka miratuar statusin e minatorit, i cili sipas tyre do të rregullonte marrëdhënien e shtetit me këtë kategori punonjësish”, shprehen ata.
Minatorët kanë deklaruar se do t’i përshkallëzojnë protestat dhe nuk do të lejojnë asnjë parti politike t’u kërkojë votat sërish atyre.
Ata kanë paralajmëruar përshkallëzimin e reagimit të tyre nëse nuk iu garantohet miratimi i statusit, sikurse ua kishte premtuar kryeministri Rama pas ardhjes në pushtet.
