Gjatë një takimi me bashkëraporterët e Asamblesë Parlamentare të KiE, Ministri i Drejtësisë Petrit Vasili ka deklaruar se është momenti për të treguar maturi, racionalitet dhe ekuilibër, në mënyrë që të mos përsëriten histori të së shkuarës lidhur me respektin e munguar ndaj ligjit dhe Kushtetutës.
Bashkëraporterët shprehën interes lidhur me fazën aktuale të reformës në drejtësi, procesin e Vetting-ut, zhvillimet e fundit politike në vend si dhe zgjedhjet e ardhshme parlamentare.
Ministri vlerësoi se është me rëndësi që mesazhi i cili është dhënë në opinionin publik dhe atë ndërkombëtar për një qasje të re ndaj ligjit dhe respektimin rigoroz të tij, është mesazhi më i mirë edhe për zbatimin e një reformë solide.
Vasili bëri me dije se autoriteti i Këshillit të Europës është i mirëpritur në vendin tonë, duke vlerësuar se çdo herë ai ka treguar ekuilibër lidhur me problemet e Shqipërisë.
