Aktivistët e shoqërisë civile dhe qytetarët e Durrësit kanë vazhduar protestën ditën e sotme për ndërprerjen e ndërtimeve për Velierën në qytetin e Durrësit.
Lorisa Ylli, pjesë e protestës me anë të një postimi në facebook bën me dije se në zonën e mbuluar me tendë të gjelbër nuk po punohet. Me anë të një video ajo tregon se gjatë filmimeve me celular në zonën A ajo është dhunuar dhe nuk është lejuar të filmojë më tej.
“Personi që shihni në video sa s’më theu krahun me gjithë telefon, ndërkohë që unë po i tregoja disa miqve italianë se si po shkatërrohet Durrësi nga mafia e pushtetit. Aty është zona A dhe muri i kalasë ku është shkatërruar duke u hedhur themelet e pallatit të Gjushit! Ftoj prokurorinë të marrë masa të menjëhershme. Ne po kërcënohemi çdo ditë nga mafia e pushtetit. Të gjithë duhet të hapin sytë se kë kanë votuar”, shkruan Lorisa Ylli në rrjetin social, facebook.
