Gjykata e Lartë i ndryshon masën e sigurisë, nga “arrest shtëpie” në “detyrim paraqitje”
Deputeti i shumëpërfolur socialist Armando Prenga, fitoi edhe një tjetër betejë me drejtësinë. Gjykata e Lartë e liroi sot deputetin socialist, i arrestuar për konflikt me armë me disa qytetarë. Në seancën e sotme gjyqsore, Gjykata e Lartë vendosi ndryshimin e masës së sigurisë nga “arrest shtëpie” në “detyrim paraqitje”. Pak javë më parë, Armando Prenga, përfitoi uljen e dënimit nga “arrest me burg” në “arrest shtëpie”.
Armando Prenga u arrestua më pesë shtator të vitit që shkoi pasi u përplas me armë me pjestarët e familjes Cali, në Patok. Deputeti socialist u akzua se qëlloi me armë ndaj pjestarëve të familjes Cali me të cilët ishte në sherr për pronësinë e lagunës së Patokut. Armando Prenga është një ndër deputetët që opozita ka akuzuar për të shkuarën e tyre kriminale.
Megjithse u arrestua, Armando Prenga, nuk e dorëzoi mandatin e deputetit. Pas afro gjashtë muajsh përballje me drejtësinë, deputeti i shupërfolur socialist duket se po shkon drejt pafajësisë.
