Ai ka qenë lojtar dhe drejtues i lartë i Realit.
Por, Horge Valdano nuk nguron të flasë për Barcelonën.
Argjentinasi ka thënë në një intervistë se Barcelona nuk ka fituar as prej Pep Guardiolës dhe as prej Luis Enrikes, por prej Mesit.
“Më mirë të më pyesnit se cili është emri që duhet t’i vendoset kësaj epoke të Barcelonës.
Është Pep? Është Luis Enrike?
As njëri dhe as tjetri. Ka vetëm një emër, ai quhet Mesi.
Reali kishte kohën e Di Stefanos, për 27 vjet, tani po mbretëron Mesi te Barcelona dhe në Spanjë.”
Lidhur me krahasimin mes Neimar dhe Pele, Valdano thotë se ky krahasim nuk qendron, pasi Pele qendron në majën e futbollistëve më të mirë, bashkë me Maradonën, Mesin, Di Stefanon dhe Krujf.
