Ministri i ri i Drejtësisë, Petrit Vasili sqaroi konkretisht se pse Bordi i Operacionit Ndërkombëtar të Monitorimit është antikushtetues.
“Bordi nuk është parashikuar në Kushtetutë. Ne kemi kërkuar qartësi, pasi çdo element që është jashtë Kushtetutës krijon mos besim. Ky është shqetësim që na shoqëron të tërëve. Ky Bord kishte në detyrat e tij dhe disa atribute, të cilat nuk ishin brenda dhe Kushtetuta nuk i parashikon në atë mënyrë. Ka informacione sekrete të shtetit shqiptar që nuk mund t’ia kalojmë Bordit“, u shpreh Vasili gjatë intervistë në Oranews.
I pyetur për përgjigjen e komisionerit Johanes Hahn, Vasili tha se nuk kishte marrë përgjigje nga ai dhe reagimi ishte thjesht miqësor.
Mbështetje brenda mazhorancës për Bordin dhe deklaratat e Majkos dhe Manjas
“Kam përshtypjen që do ketë reflektime. Besoj se ata kanë pasur reagim emocional dhe nuk i keqkuptoj. Kanë edhe një përgjegjësi më të kufizuar. Unë si ministër Drejtësie kam përgjegjësi të tjera që duhet t’i çoj deri në fund”, tha Vasili.
