“Anëtarësimi me detyrim është një taksë e fshehtë që i vihet bizneseve për një shërbim që ende nuk e dimë se çfarë është”
Investitorët e huaj në Shqipëri e kundërshtojnë ligjin e qeverisë i cili i detyron investitorët e huaj të anëtarësohen në dhomat e tregtisë. Për tu anëtarësuar në dhomat e tregtisë, bizneset e huaja janë të detyruara të paguajën një tarifë të caktuar monetare. Kjo është pika në të cilën përqëndrohen kundërshtitë e Shoqatës së Investitorëve të Huaj në Shqipërindaj ligjit të ri.
Sipas shoqatës anëtarësimi me detyrim është një taksë e fshehtë që i vihet bizneseve për një shërbim që ende nuk e dinë se cfarë është. Në një letër dërguar Komisionit Parlamentar për Veprimtaritë Prodhuese shoqata e investitorëve të huaj kërkon që projekti i dërguar atë të rikthehet përsëri në ministrinë nga ka ardhur. Investitorët e Huaj në letrën e tyre shpjegojnë se janë kundër mënyrës së hartimit të këtij ligji e në të njëtën kohë edhe kundër përmbajtjes së tij.
“shprehim keqardhjen për proçesin e ndjekur gjatë hartimit dhe paraqitjen për miratim të këtij projektligji. Ne e konsiderojnë si jo të përshtatshme dhe në kundërshtim me nismën e Qeverisë Shqiptare për konsultim publik dhe të gjerë të Ligjeve dhe Rregulloreve, për faktin që një projektligj i tillë nuk është shpërndarë paraprakisht per konsultim me grupet e interest”, theksohet në letrëne investirorëve të huaj në Shqipëri.
